بسم الله الرحمن الرحيم
السلام عليكم ورحمة الله وبركاته
قصيدم أم لابنها العاقّ
أضع بين أيديكم أخواتي وإخواني في هذا المنتدى الغالي ( عين بسام التربوية )هذه القصيدة لأم قد عاقها ابنها وألقى بها في مراكز الخدمات الاجتماعية والله المستعان
فكم هي مبكية .. فكم هي مؤثرة لحال تلك الأم .. لعلنا نتعظ والله المستعان.
وين أنت يا حمدان أمـك تناديـك **** وراك ما تسمـع شكايـا وندايـا
يا مسندي قلبي على الدوم يطريـك*** ما غبت عن عيني وطيفك سمايـا
هذي ثلاث سنين والعيـن تبكيـك**** ما شفت زولك زاير يـا ضنايـا
تذكر حياتي يوم اشيلك واداريـك**** والاعبك دايـم وتمشـي ورايـا
ترقد على صوتي وحضني يدفيـك**** ما غيرك أحدٍ ساكن فـي حشايـا
واليا مرضت أسهر بقربك واداريك ***ما ذوق طعم النوم صبح ومسايـا
ياما عطيتك من حنانـي وبعطيـك**** تكبر وتكبـر بالأمـل يـا منايـا
لكن خساره بعتني اليـوم وشفيـك ****واخلصت للزوجه وأنا لي شقايـا
أنا أدري أنها قاسيـه مـا تخليـك**** قالت عجوزك مـا أبيهـا معايـا
خليتني وسط المصحه وانا ارجيك*** هذا جزا المعروف وهذا جزايـا
يـا ليتنـي خدامـة بيـن أياديـك ****من شان أشوفك كل يوم برضايـا
مشكور يا ولدي وتشكر مساعيـك*** وادعـي لـك الله دايـم بالهدايـا
حمدان يا حمـدان أمـك توصيـك*** أخاف ما تلحق تشوف الوصايـا
أوصيت دكتور المصحه بيعطيـك*** رسالتي وأحروفهـا مـن بكايـا
وإن مت لا تبخل علـي بدعاويـك*** واطلب لي الغفران وهذا رجايـا
وامطر تراب القبر بدموع عينيـك*** ما عـاد ينفعـك النـدم والنعايـا
الرئيسية 
البوابة 
